SUNBITE, Sunbilla Indartuz Turismo Elkartea, izenak adierazten duen bezala, Sunbilla herria promozionatzeko xedearekin sorturiko elkartea da. Ostalari, merkatari eta zenbait enpresarik Sunbilla herria dinamizatzeko duten nahiarekin hasi zen elkartearen ibilbidea.
Helburu horri erantzunez, Sunbillako interes guneak, ibilbideak eta zerbitzuak biltzen dituen foileto bat argitaratu eta banatzeari ekin diote.
Horrez gainera, Sunbillan hasi eta bukatuko den 800 Dukado emakumeen Munduko lehen mendi maratoia promozionatzeko bideo klipa eta erreportajea eratzen ari dira. Ekainaren 3an, Porrotx eta Mari Motots pailazoez gainera, Ainhoa Jauregi, Marta Garcia eta Maika Ariztegi korrikalariak Sunbillan eta inguruko herrietan egon ziren egun osoan zehar bideo klipa osatuko duten irudiak grabatzen.