Urtero bezala mendekoste asteburuan Olhain ikastolak bere sagardotegia idekiko du. Ekainaren 8an, igandearekin, eginen dute haien besta. Lehenik haurrek kantatuko dute, ondotik sagarno kupelak idekiko dituzte eta bukatzeko bazkaria zerbitzatua izanen da. Txartelak 22 eurotan dira. Arratsaldean jokoak izanen dira haurrentzat.
ESKOLA PUBLIKOAREN BESTA
Eskola publikoan zinema eta bere historia landu dute maila ezberdinetan. Haien urteko ateraldiarentzat Saumejanera joan dira, han zineman baliatzen duten teknika bat deskubritu dute: efektu bereziak. Bertze gauzak ere egin dituzte pinudi batean ibili dira bertzeak bertze. Ondorioz urteko proiektua bururatzeko, zinema goraipatuko duen ikusgarri bat emanen dute ekainaren 14an, larunbatarekin, polikiroldegian. Ikusgarria arratsaldeko seietan hasiko da, ondotik zintzur bustitze bat pintxoekin eskainia izanen da, denbora berean joko puzgarriak izanen dira haurrentzat. Bukatzeko deneri idekitako afari bat eginen da, bi menurekin bat haurrentzat eta bestea helduentzat.