Denbora luzez itxaroten egon eta dirulaguntzak jasotzeko gestio aunitz egin ondotik, eskolako teilatua eta aurrekaldea berritzeko asmoa aitzinera doa. Udalak plan zehatz bat adostu du. Ekainaren 6a arteko epea izanen dute obran parte hartu nahi duten enpresek proposamenak aurkezteko. Baldintza bat ere bete beharko dute, berritze lanak irailaren 6a baino lehen bukatu beharko dituzte.
15 URTEZ ITXIA
Eskola 1999an itxi zuten, 89 urtez zabalik egon ondoren, ikasle nahikorik ez zegoelako. 1914an eraiki zuten Ildefonso Etxeberriaren lurretan eta honi, Aldapako lursail bat eman zioten ordainetan. Lehendabiziko obren kostua 21.626,70 pezetakoa izan zen. Eraikinaren beheko solairuan mutikoentzako gela bat egin zuten eta lehenengo soilairuan berriz, neskena. Bigarren solairuan bi etxebizitza egin zituzten sukaldea, jantokia, despentsa eta irakasleentzako bi logela ere bertan jarri zituzten, komunik ez ordea.
Eraikinak ikasle eta irakasleen premiak asetzen ez zituenez, 1942an berritze lanak egin zituzten, irakasleen logelak handitu eta komunak bertan jartzeko.
1988an,biltoki gisara erabiltzen zuten bajera moldatu eta bertan gimnasia egiteko gela bat moldatu zuten komun eta guzti.
15 urtez egoera txarrean egon ondotik, berriro erabiltzeko moduan utzi nahiko lukete.