Eskualdeko kirol talde gehientsuenek bukatua zuten denboraldia, baina asteburu honetan adio erran diote oraindik jokatzen ari ziren bi futbol taldeek. Baztango futbol talde nagusiak ez du Nafarroako Preferenteko kopako final laurdenetetatik pasatzerik izan eta Doneztebeko jubenilek ez dute igoerarik lortu. Baztandarrek emaitza kaxkarra lortu zuten joanekoan Itaroa Huarteren kontra, Giltxaurdin 0-2 galdu baitzuten. Uharten aitzindu egin ziren eta estu-estu hartu zuten arerioa, bertze gol batekin luzapena izanen baitzen, baina azkenean etxekoek berdindu egin zuten eta baztandarrak kanporatu. Doneztebeko jubenilek, berriz, liga bikaina egin dute eta bigarren izan dira hasierako fasean, baina igoera fasean ez du partida irabazterik lortu, sei partidetatik 4 berdindu eta 2 galdu egin baititu.
Emaitzak
Nafarroako Preferenteko Kopa, final laurdenetako itzulia
Itaroa Huarte B 1 – Baztan 1 (San Jose)
Nafarroako jubenilen bigarren maila, igoera fasea
CD Valtierrano 2 – Doneztebe 2 (Diego Armando eta Mikel Retegi)