Euskolabel banakako aizkora txapelketa aurrera doa, eta ederki ari da Ander Erasun. Lehen bi jardunaldien ondotik aitzinera segitzen du. Bigarrenean, Beran, sei aizkolarik hartu zuten parte, bi multzotan banatuak. Lehen multzoan Oihan Larretxea, Ruben Saralegi eta Jon Rodrigezek hartu zuten parte eta bestean Ander Erasun, Iker Vicente eta Eneko Otañok. Ander Erasun bere multzoko irabazle geratu zen eta horrela finalerdietarako txartela lortu zuen Oihan Larretxea, Ruben Saralegi eta Eneko Otañorekin batera.