Baztan-Errekako 35. Laxoa txapelketako zortzigarren jardunaldiko partidak jokatu ziren asteburuan. Ezustekorik handiena Irurita Bk eman zuen. Jokatutako sei partidak irabaziak zituen, baina larunbatean hutsean utzi zuen Oizek bere plazan.
Hauek izan dira asteburuko emaitzak:
Lehen multzoan
Irurita A 9 – Doneztebe C 5
Doneztebe A 9 – Arraioz C 5
Bigarren multzoan
Oiz 9 – Irurita B 0
Arraioz B 4 – Doneztebe D 0 (bertan behera euriarengatik)
Oiz 8 – Arraioz A 9 (5. Jardunaldikoa)
Gisa honetara, lehen multzoan Doneztebe B dago sailkapen buruan, jokatutako 6 partidetatik 5 irabazita (5-1); Irurita da bigarren (4-3), Arraioz C hirugarren (3-4), Doneztebe A laugarren (3-3) eta Doneztebe C bosgarren (1-5). Bigarren multzoan, galdu arren Irurita Bk segitzen du lehen postuan (6-1), Arraioz A bigarren (4-2), Oiz hirugarren (2-4), Arraioz B laugarren (1-3) eta Doneztebe D bosgarren (1-4).
Bederatzigarren jardunaldia heldu den asteburuan
Maiatza eta ekaina lotzen dituen asteburu honetan jokatuko da laxoa txapelketako bederatzigarren jardunaldia:
Lehen multzoan
Doneztebe C – Doneztebe A, larunbatean 16:00etan.
Arraioz C – Doneztebe B, larunbatean 16:00etan.
Irurita A atsedena.
Bigarren multzoan
Doneztebe D – Oiz, larunbatean 18:00etan.
Arraioz B – Arraioz A, larunbatean 18:00etan.
Irurita B atsedena.