Ehun bat kantu xoragarri biltzen ditu Lapurdi 1609 elkarteak berriki plazaratu duen liburuak: Itsasu Olhako kantu kaiera. Lapurdi, Gipuzkoa eta Nafarroakoak dira abesti gehienak, batzuk biziki ezagunak eta bertze batzuk arrunt ezezagunak eta sekulan agertuak liburuetan. 116 orrialdeko liburuak argazki xaharrak ere erakusten ditu eta guzi horien bitartez duela zonbait urteko bizia eta historia hobeki ezagutzen ahal da.
Sorginak ote ziren?
Duela 400 urte, auzi beldurgarriak iragan ziren gure eskualdean De Lancre epailearen eskutik. 1952an Sud Ouest egunkariak artikulua idatzi zuen gai hortaz eta preseski artikulu hau argitaratu du Lapurdi 1609 elkarteak, aldi huntan erdaraz eta euskaraz. Marrazkiak Paxkal Bourgoinek egin ditu eta itzulpena Auxtin Zamorak, Pantxo Michelenak eta Bourgoinek berak.