Solaslagunak ekimenaren baitan udaberrirako zenbait ekitaldi antolatu dituzte. Maiatzaren 4an, Garmendiko mendi buelta eginen dute. Donamariako plazatik 10:00etan abiatu eta 1.029 metrora dagoen gailurrera joanen dira. Handik Txaruta aldera joko dute eta Garmendi eta Larrazumendi tarte horretan hamaiketako ttipia izanen dute. 4 ordu inguruko ibilbidea izanen da, Kleofe Goñi solaslaguna gidari dutela. 14:00 aldera bueltatuko dira Donamariako plazara eta bazkari autogestionatua izanen dute.