Izaskun Zubialderen eskutik, Enaitzen aldeko Enaitz gara kamixetak eta hamar saskiren zozketarako txartelak saltzen aritu ziren apirilaren 12an herriko plazan. Harrera ona izan zuen eta haurrek, Berako mutikoaren kasua ezagutu eta ezagutzera eman zuten, inplikazio handia erakutsiz. Izaskun Zubialdek aipatu digunez, «jendearen erantzuna izugarria izan da. Oso pozik gaude herriak eman duen laguntzarekin. Ez genuen holako emaitza onik espero». Lerro hauen bitartez, herritarrek erakutsi duten solidaritatea eskertu nahi du.
Jaiotza
Elaia Santesteban Amoros herritar berria jaio zen apirilaren 10ean. Zorionak Josu eta Ainara gurasoei, baita Pello Santesteban eta Inmatxo Grajirena atautxi-amautxiei eta Jexux Santesteban eta Joxepa Loarte birratautxi-birramatxiei.
Lehen jaunartzea
Lehen jaunartzea eginen dute maiatzaren 11n lau neska-mutikok: Jone Indakoetxea, Aitor Agesta, Ane Mendiburu eta Mikel Mendiburuk. Anai-arreba hauek Uharten bizi dira, baina halere Aitor lehengusuarekin batera ospatuko dute egun berezi hau.
Ezkontza
Ainhoa Mindegia Santesteban herritarra eta Urrozko Raul Kastro aizkolaria ezkondu dira apirilaren 26an. Zorionak familia guziari eta urte askotarako!