Aste Santuan Pintxo Astea eginen dute bigarrenenez Sunbillako ostatuek apirilaren 17tik 20ra. Aipatu ortzegunean arratsaldez bakarra izanen dela eta gainontzeko egunak, hau da, ortziraletik igandea bitarte, eguerdi eta arratsaldez eskainiko dira pintxoak Itturburu, Bustitz eta Ariztigainen. Pintxoa dastatu eta gustokoena bozkatzeko aukera izanen da.
Bozketan parte hartzen duten guztien artean herriko produktuez osatutako saski bat zozketatuko da apirilaren 21ean Ariztigain kanpinean, astelehen eguerdiko 12etan. Horrez gain, igandean, apirilak 20, Trébedes izeneko folklore taldea ariko da Ariztigain Kanpinean arratsaldeko 4:30ean. Ondotik, haur jokoak izanen dira.
Joan den urtean izugarrizko arrakasta izan zuen ekimen honek eta aurten ere parte hartzeko gonbidapena luzatu dute.