Udaberria elur kontuekin hasi genuen arren, herrian izan diren ekitaldien ondorioz giroa bero ibili da.
Martxoaren 29an izan ziren afrikar dantzen ikastaroak Kultur Etxean. Gorputza astinduaz, giro polita sortu zen eta zuzeneko musikaz gozatzeko aukera ere izan zen. Astebukaera berean emakume kuadrila batek bazkaria izan zuen. Aspalditik elkartzekoak zirenez, hauek ere giro onean eman zuten eguna.
Bertze aldetik, apirilaren 5ean musika brasildarra entzuteko aukera izan zen. Jairon eta Kassandra aritu ziren musikari lanetan eta jarraian DJ Tororok emandaldia eskaini zuen. Kaipiriña edateko aukera ere izan zen.