3 eta 12 urte bitarteko neska-mutikoei zuzendutako ludoteka zerbitzua eskainiko du Udalak Aste Santuan eta udako oporretan eskolako gimnasioan.
Aste Santuan apirilaren 22tik 25era eta udan ekainaren 23tik irailaren 5era, 09:00etatik 13:00etara eskainiko da zerbitzua.
Kuotei dagokienez, denboraldi osoko abonoa (Aste Santua eta uda) 180 eurokoa izanen da. Aste Santukoa 30 eurokoa izanen da eta udakoa bakarrik 150 eurokoa. Udan hilabete batez parte hartzeko aukera ere izanen da, 80 euroren truke eta hilabete erdiz, 40 euroren truke.
Deskontuak ere izanen dira: %25 merkeago famili bereko bigarren haurrarentzat; %50a famili bereko hirugarren haurrarentzat eta %20a famili ugariendako. Azken hau ezin izanen zaie bertze bi beherapenei gehitu.
Gai honekin loturik, Malerrekako Haurren Aisialdirako begiraleen zerrenda sortu nahi du mankomunitateak, antolatuko diren prebentzio ekintzetan, haurretaz arduratuko den ludotekarako. Ez da titulo beharrik.
Apuntatzeko, Malerrekako Mankomunitateko gizarte hezitzaileari (Iratiri), emaila igorri: ssbdoneztebe@malerreka.infolocal.org, idatziaren gaia, izen-abizenak eta kurrikuluma agertuz.
Apuntatzeko epea apirilaren 30n akituko da.