Doneztebeko Gazte Burrunba taldeak barrikote besta antolatu dute apirilaren 19an, larunbatean Santamarian. Titi Ostatuan eman behar da izena eta hondar eguna apirilaren 17a izanen da, ortzeguna.
Burrunbako bazkide direnek 25 euro ordaindu beharko dute eta bazkide ez direnek 30 euro. Horren truke sagardotegiko menua izanen dute: txorizoa sagardoan, bakailu tortilla, txuleta, postre, kafea eta kopa, eta noski, sagardoa kupeletik edateko aukera.