Estatu espainola Strasbourgo Europako Giza Eskubideen Tribunalak kondenatu du eta behartu «Parot Doktrinaren» gehiegikeriei uko egitera eta hamarnaka euskal preso politikoen libratzera. Baina nork daki hortara heltzeko zer heinetako abokat lana egin den eta bereziki lan hortako parterik haundiena Didier Rouget-en gain zegoela? Bortizkeriarik gabeko eta bakeari buruzko garaipen hori oroitarazi du Anai Artearen fundatzailetarik den Jean Fagoagak ohorezko makila bat eskaini diolarik Didier Rouget Anai Arteako kideari.
Eskubidea, esku ahalduna idatzirik dauka ohorezko makilak, adierazteko horren jabea, Unibertsitateko erakasle eta abokat bezala eskubideetan eta partikulazki giza eskubideetan zinez aditua dela eta gainera,urrunetik etorria izanik ere, bere familia guzia bezala, errotik euskaldundua dela.
Bertze lanen artean, Le guide de la protection internationale des droits de l’Homme idatzia du Rouget-ek.