Bertso, trikitixa eta pandero doinuek hartu zuten Barranka ostatua martxoaren 8an. 55 lagun bildu ziren, herritarrak eta baita Malerreka eta Leitzatik gerturatu zirenak ere. Amets Arzallus eta Julio Soto aritu ziren bertsotan eta Irune eta Itsaso Elizagoien trikitilariek lagundu zieten. Emanaldiaren ondotik, ederki jan eta edan ondoren afaltzera hurbildu ziren askok kanturako eta bertsoetarako duten abilezia erakutsi zuten. Giro bikaina sortu zen.
Badirudi inauteriak ospatu beharrean, afaria eginaz gustorago daudela herritarrak. Ezkurran gazte gutxi geratzen direnez, afariko mahai inguru bueltan helduxeagoak ederki pasatzen dute. Bertso afariak izan zuen arrakasta ikusita, seguruenik datorren urteetan ere ohitura berri honekin segiko dute.