Nahiz eguraldi txarra izan, 40 bat lagun bildu ziren martxoaren 3an Malerreka Kantuz ekimenaren baitan kaleak kantuz alaitzera. Euriari aurpegi alaia jarriz, giro ona sortu zuten eta herrian bueltaxka eman ondotik estalpean aritu ziren kantari. Taloak ere izan zituzten, Lurdes Elizalde eta Anita Hualdek prestatuak. Txitxilo elkarteak ere parte hartu zuen ekitaldiaren antolakuntzan.