Pasa den larunbatean Nafarroako Mintzakide eta Solaslagunok sagardotegi bazkaria ospatu zuten Lesakan, Linddurrenborda sagardotegian. Eskualdeko AEK-ko eta IKA-ko ikasleak ere beraiekin izan ziren eta elkarrekin egunpasa bikaina egin zuten, giro euskaldunean. Ikusi bideoa
Baztan, Malerreka, Bortziriak, Lizarra eta Iruñerritik, osotara 45 lagun bildu ziren. Linddurenborda sagardotegian primeran bazkaltzeaz gain bertsoak, bibolina, kantak eta Lizarrako euskaltegitik proposatutako flash moba-a izan zituzten. Azken hau Lizarrako mintzakide ordezkariek urratsak irakatsi ondotik praktikan jarri zuten Lesakako herriko ostatuetan.
Primeran pasatzeaz gain, deialdia ere egin zuten heldu den larunbateko manifestaziora.