Otsailean herriz herri Arkupeak eguna ospatu ondotik,ekitaldi berriak antolatzen hasia da jubilatu elkartea. Otsailaren 13an bilera egin zuten Arakindegian elkarteko presidenteak, Nerea Telletxea informatikako irakasleak eta ikastaroetan parte hartuko dute 25 ikasle berrik. Bi taldetan banatuta, martxoaren 11n hasiko dituzte klaseak. Denera 20 klase izanen dira eta astearteetan, arratsaldeko lauretatik aurrera elkartuko dira. Doneztebe, Elizondo eta Beran ere informatikako ikastaroak eskainiko dituzte. Horiez gain, sendabelarren ikastaroa eta memoria tailerra ere izanen dira Donezteben.
Martxoaren 11n, urteroko hitzorduari hutsik egin gabe, Arkupeak Elkarteko 110 bazkide Xabierrera joango dira. Martxoaren 18an berriz, maletak hartu eta Valentziara eginen dute bidaia 55 kidek. Hiriko zenbait monumentu bisitatu ondotik, cremá de los ninots famatua ikusteko aukera izango dute. Gero, Val D’Uixo, Salou eta Tarragona aldera joanen dira.
Bestalde, Patxi Urrutiak pentsioen inguruko hitzaldiak eskainiko ditu martxoaren 6an Arizkunenean eta 13an Beralandetan.