20 urte baino gehiago pasatu dira denbora batez inauteak ospatu gabe egon eta berriz egiten hasi zirenetik, eta aurten ere eutsi zaio ohiturari. Bistan da belaunaldi aldaketa ere izan dela, orduan hasi zirenak 40 urteren bueltan izanik, haien lekukoa jende gazteak hartu baitu.
Ortziralean hasi ziren afariarekin eta 30 lagun inguru bildu ziren. Larunbat eguerdian abiatu eta baserriz-baserri ibili ziren puska biltzen, herrira hurbiltzerako gauerdia zuten. Ostatuan afaria izan zuen bertze taldetxo batek ere, helduxeagoak eta eskean ibili ez zirenek ere bertan afaldu zuten. Egun berean, ttikienek ere herriko etxetan barrena bueltaxka egin zuten, mozorroturik, puska bila.
Igandean bazkariarekin eman zitzaien aurtengo inauteei akabila.