Ariztigain kanpinean III. Kantu Zaharren Eguna antolatu dute martxoaren 8rako. Ahate moussa paxazko ogiarekin, urdaiazpikoa, arrain pudina, kroketak, bildots errea entsaladarekin eta gazta-tarta yogur izozkiarekin izanen dute menuan, dena ardoarekin, kafearekin eta koparekin ongi bustia. Bazkaldu bitartean kantuan ariko dira eta bazkal ondoren eta arratsaldean ere berdintsu. Francisco akordeolariaren laguntzarekin Kanta zaharrak abesteko aukera izanen dute, Angel Mariezkurrena, Alberto Zunzarren eta Aitor Ibarra Jalisko kantuen gidari dituztela.
Bazkaria, afaria eta egunean banatuko den liburuaren truke 48 euro ordaindu beharko da. Izena eman nahi duenak Ariztigainera deitu beharko du.