Aurten Bidasoaldeko Hazi Sareak, Bidazi Elkarteak eta Nafarroako Hazi Sareak bi ekitaldi antolatu ditu hazien eguna ospatzeko. Baztango Udalaren Inguru Batzordearen, Barraskilo elkartearen, EHNE sindikatuaren, Elizondoko Gaztetxearen eta Erdiz Bizirik taldearen laguntza izan dute antolaketan. Bi egun horietako lehena Elizondon eginen da otsailaren 8an, larunbatean.
Elizondon Merkatu Plazan izanen da hitzordua. 11:00etan hazi trukaketa eginen da eta 14:00etan bazkari autogestionatua gaztetxean. Norbere baratzeko berezitasunak eramateko deia egin dute antolatzaileek.
Otsailaren 22an Beran
Beran ere egitarau berdintsua prestatu dute otsailaren 22rako. 11:00etan hazi trukaketa eginen da Toki Onan eta “Open Space” eztabaida gunea zabalduko da. 14:00etan bazkari autogestionatua izanen da.