Bortzirietako lau terdiko eskuz banakako pilota txapelketaren hamahirugarren edizioa urtarrileko azken asteburuan abiatu zen. 103 pilotari ari dira jokatzen, zortzi kategoriatan banatuak. Dena ongi ateratzen bada, finalak martxoaren 15ean jokatuko dituzte Lesakan.
Bortzirietako pilotariekin batera, Oiartzun, Hondarribia, Irun, Baztan eta Iparraldekoak ere ariko dira txapelketan. Kategoria ttikienetakoak (ttikiak, Umeak B, Umeak A, Kimuak B eta Kimuak A) ligaxka moduan jokatuko dute eta infantilek, kadeteek eta jubenilek kanporaketak dituzte. Partidak, Beran ortziral eta igande goizetan, Lesakan larunbatetan, Arantzan larunbatetan eta Etxalarren igandeetan jokatuko dituzte.