Berinak Senpereko arte garaikide festibala hirugarren aldikoz apailatuko dute heldu den urrian Anne Marie Jeannou eta Iñaki Viquendik. Bi senpertar hauek arte ederrak ikasi zituzten eta orain beren zaletasuna hedatu nahi dute herritarren artean. 2009an, Berinak festibala asmatu zuten eta bi urte geroago artista frango gonbidatu zituzten berriz Senpererat. Aurten, festibalaren parte bat Inharrean iraganen da, eta bertzea irailean estrenatuko den Larreko ikusgarri gela berrian. Hirugarren hitz orduak hedadura haundiagoa hartuko du eta sorpresak eskainiko ditu.