Igande honetan aurkeztu dute Kasino elkartean Doneztebeko Erreka elkartearen triatloi sekzio berria. Gorka Bidegain taldekideak aipatu digunez, «duela urte pare bat, triatloia kanpoan egiten genuen doneztebar batzuei, Errekan triatloiko sekzio bat egiteko gogoa piztu zitzaigun, hala, joan den urtean hasi ginen hori gauzatzeko lehendabizko bilerak egiten. Eta erran beharra da, inoiz espero ez genuen erantzuna izan dugula, 42 kirolariko taldea osatu baitugu».
24 kirolari federatu eta bertze 18 ez federatu izanen dira oraingoz taldean, «baina noski, ateak denendako zabalik» daudela aipatu digu Bidegainek. Taldekideak Sunbilla, Elizondo, Arizkun, Lekaroz, Mugairi, Iruñea, Elgorriaga, Doneztebekoak eta inguruko bertze herrietakoak dira. Hiru emakume ere badituzte taldean. Kirolari horien artean, gisa guzietakoak dituzte, lehenagotik triatloian ibilitakoak, atletismotik datozenak, bizikletatik, mendi bizikletatik...
Orokorrean taldearen helburuak Euskadiko eta Nafarroako probetan parte hartzea izanen da, duatloi eta triatloietan... «Talde berria denez, hori izanen da helburua, parte hartze horiekin taldea beste urteetarako sendotzea» dio Bidegainek.
Kirolari bakoitzak bere helburu partikularrak ere baditu, «hala batzuk duatloietan parte hartzea dute helburu, bertze batzuk triatloi olinpikoetan, eta bakarren batek, iron man batean…». Horiei guztiei eta ondotik etorri nahi dutenei babesa emanen die Errekako Triatloi sekzioak.
Norbaitek oraindik Errekaren triatloi taldean parte hartu nahi balu, errekatriatlon@gmail.com helbidera mezua igor dezala, eta han erakutsiko diote zer egin behar duen.
Taldekideak (Federatuak eta federatu gabeak)
Gorka Bidegain - Doneztebe BAI
Xabi Bañares - Doneztebe BAI
Ugaitz Garde - Gartzain BAI
Alfredo Telletxea - Doneztebe BAI
Patxi Urtxegi - Narbarte EZ
Mikel Bertiz - Doneztebe BAI
Iñigo Mangado - Doneztebe BAI
Josu Juanena - Doneztebe EZ
Txibi Uterga - Doneztebe EZ
Jokin Apezetxea - Doneztebe BAI
Andoni Blas - Doneztebe EZ
Maialen Zamorano - Doneztebe BAI
Fermintxo Oteiza - Narbarte EZ
Mikel Telletxea - Doneztebe BAI
Txemo Garziarena - Elgorriaga EZ
Miren Mangado - Doneztebe BAI
Inigo Arregi - Doneztebe BAI
Santi San Miguel - Doneztebe BAI
Alberto Barberena - Lekaroz BAI
Inigo Etxeberria - Elgorriaga EZ
Ibai Ordax - Doneztebe EZ
Inigo Ostiz - Doneztebe EZ
Julen Lizartza - Arizkun BAI
Iker Mariezkurrena - Sunbilla EZ
Jon Maritxalar - Sunbilla BAI
Unai Plaza - Lekaroz BAI
Javier Magaña - Burlada BAI
Liborio Ariztia - Doneztebe EZ
Aritz Baleztena - Doneztebe BAI
Jon Oskaritz - Arizkun BAI
Igor Agesta - Sunbilla EZ
Iñaki Telletxea - Elizondo BAI
Samuel Merayo - Elizondo BAI
Iñigo Lasaga - Doneztebe EZ
Izaskun Etxeberria - Oiartzun EZ
Martintxo Otxandorena - Elgorriaga EZ
Bixente Ibarra - Sunbilla EZ
Endika Eugi - Elizondo BAI
Imanol Otero - Elizondo EZ
Rafa Maritxalar Mugairi BAI
Javier Candal Bilbo BAI
Sergio Morate - Bera EZ