Gorka Urtasun iruritarrak neurria hartua dio Eguberrietako frontoi laburreko buruz buruko erremonte txapelketari. Izan ere laugarren aldiz segidan irabazi du. Urtarrilaren 4an jokatutako final gogorrean 30-21 irabazi zion Julen San Miguel doneztebarrari.
San Miguel 19-8 galtzen joan zen eta denek garaipen erraza aurreikusten zuten Urtasunentzat, baina ez zen hala suertatu. Doneztebarrak lanean segitu zuen eta 22-19ra hurbildu zen. Baina azken zatian berriz ere iruritarra gailendu zitzaion doneztebarrari. Halere, markagailuak erakusten duena baino partida gogorragoa izan zen.
Sari banaketan izan ziren Nafarroako Pilota Federazioko Jesus Porron, Remonte Euskal Jai Berri Fundazioko Iñaki Crespo eta Bodegas Olimpia babesleko zuzendari-kudeatzailea, Fernando Pérez de Ciriza.