Igande honetan, urtarrilak 26, jokatuko da Urrozen Urrezko mailako Euskolabel sariaren laugarren saioa. Egitarau potoloa izanen da, goiz eta arratsaldez izanen baitira lehiaketak.
Sari hau bikoteena da, eta lehenbiziko bi bikoteak eguerdiko 12tan hasiko dira. Hauetxek hain zuzen: Migeltxo Mindegia eta Juan Rodriguez, Daniel Vicente eta Iker Vicente-ren kontra. Lana, 16 enbor moztea, bortz saiotan banatuak.
Eta arratsaldeko 5:30ean berriz: Jon Rekondo eta Ander Erasun, Aitzol Atutxa eta Ugaitz Mugertzaren kontra. Hauek 24 enbor moztuko dituzte, 6 saiotan banatuak.