Eguberritako jaiak pasatu berritan inauteriak ere akitzekotan dira. Hain zuzen, larunbat honetan, urtarrilaren 25ean, kontuen afaria eginen da, baina aitzinetik, mus txapelketa herrikoia ere jokatuko da.
Inauteriei dagokienez, urtarrilaren 17an, ortziralarekin hasi ziren. Arratsean herri itzulia eman zuten trikitilari eta panderojoleek eta gero, Hilarionen afaria egin zuten eta ondotik giro ederra eta kriston martxa izan zen herriko ostatuan.
Larunbat goizean gosaria egin zen herriko ostatuan, gero puxkak biltzea herrian barna eta bazkaria Hilarionen. Arratsaldeko mozorrodesfile mundiala eta gero zozketa egin zen: bi afari Hilarionen (1. saria), Elgorriagako bainu etxean bi zirkuitu (2.), bi gosari Julia gozotegian (3.), bi gosari Julia gozotegian (4.) eta lau talo edariarekin herriko ostatuan (5.).