Urtarrilaren 5ean etorri zitzaizkigun Meltxor, Gaspar eta Baltasar erregeak urtero bezala. Haurrek urduritasun eta ilusioz beteta itxaron zuten erregeen etorrera. Eta argiz apaindutako traktoreak ikustean pozaren pozez hasi ziren Erregeak heldu dira oihukatzen. Eliz atarian egin zieten harrera eta Belen bizidunaere bertan genuen ikusgai. Hagitz giro politean joan zen tartea eta eskerrak eman behar zaizkie Eguberrietako ekitaldietan lagundu duten guztiei, laguntzarik gabe ezinezkoa baita ekintza hauek antolatzea.
Eguberrietako ospakizunak bukatu orduko, hemen ditugu inauteriak. Asteburu honetan ospatuko dira eta ale honekin batera datorren gehigarri berezian topatuko duzue egitarau zehatza (26. orria). Laburbilduz, ortziralean baserrietan eskean ibiliko dira gazteak, larunbatean herrian eta igandean karroza desfile ikusgarria izanen da.