Malerrekako eskuz binakako hamabigarren pilota txapelketaren baitan, elite eta sub-22 mailako jardunaldia jokatuko da urtarrilaren 22an, asteazken arratsaldean Donezteben eta Eratsunen, hurrenez hurren.
Urtarrilaren 22an, asteazken arratsaldeko 6:30etik aitzinera, elite mailako seniorren bigarren jardunaldia jokatuko dute lau bikotek Doneztebeko pilotalekuan. Irurtzungo Ongay eta Altsasuko Peñas, Usurbilgo Urbieta eta Arrutiren kontra ariko dira; Aurrera Saiazeko Belloso eta Errioxako Matute, Paz Zigandako Rekalde eta Telletxearen kontra; Oberenako Diaz eta Garcia, Errekako Oronoz eta Ilunpeko Uzkudunen kontra eta Aurrera Saiazeko Bixintxo eta Telletxea, Txarutako Otxandorena eta Eskuderoren kontra.
Eratsunen, berriz, bigarren mailako seniorren hirugarren jardunaldia jokatuko da asteazken arratsaldeko 6etatik aitzinera. Errekako Elizalde eta Bereau, Behar-Zanako Loidi eta Errazkinen kontra ariko dira; Oberenako Vidan eta Etxegoien, Aurrera Saiazeko Urbieta I eta Ormazabalen kontra; Oiarpeko Hernandez eta Imaz, Huarteko Loban eta Iraizozen kontra eta Barandiaran eta Errekako Mindegia, Aurrera Saiazeko Labaka eta Imazen kontra.