Aunitz maite dugun ikazkinak etxe aunitzetan opari polit eta ederrak utzi ditu. Bakarren bati ikatza ere utzi izanen dio seguruenik. Olentzerori ongi etorri polita eman zioten herritarrek kantu eta algarekin, baita joare soinuekin ere.
Iturenera sekulako bixita egin zuen ilunabar partean Olentzerok. Horretarako herria ederki zegoen jarrita, ibilbidea antortxez seinalizatua eta herriko etxeko estalpean xoko polit bat atondua, haurren muxuak eta eskariak hartzeko. Hurrengo urtera arte olentzero!!!!
Duela egun gutxi eman diogu hasiera urte berriari. 12mahatsak janez eta umore onean ekingo genion seguruenik. Urte zaharrean utzi penak eta urte berri on!