Mendaur DBHI ikastetxeko Eskola Kontseiluak guraso, ikasle, ikastetxeko zuzendaritza eta irakasle eta Doneztebeko udaleko ordezkaritza biltzen du bere baitan eta D ereduko irakasleei guardia zibilak ustez egin dizkien ikerketaren inguruan eta «informazio faltsu eta adierazpen politiko arduragabeen soka luzearen aurrean» adierazpena argitaratu du. Bertan, «Nafarroako Gobernuak, lehendakaria eta Hezkuntza kontseilaria buru, hezkuntza ideologikoki kontrolatzeko erakutsi duen asmoa» arbuiatu dute. Kontseiluaren ustez, hauen jarduerak «kultura demokratiko eskasa erakusten du, adierazpen, elkartze eta irakaste askatasunarekiko errespetu falta erabatekoa eta nafar ikasleriaren lan hezitzailearekiko mespretxu onartezina» dira. San Migel ikastetxeko zuzendaritzak eta irakasleek eta Erreka Guraso Elkarteak ere bat egin dute adierazpenarekin.