Meritu ederra izan du aurten Olentzerok, menditik jeitsi baita eguraldi txar horrekin. Haize eta euripean, baina beti bezala pozez eta urduri eman zioten ongietorria neska-mutikoek. Denak harrituta olentzero menditik beheiti ikusi zutenean. Ibilbidea nahiko azkar egin behar izan zuten baina halere hagitz ongi atera zen dena. Ondoren txokolatea izan zuten frontoian eta Olentzerori eskutitzak eta muxu pila eman zizkioten haurrek.