Gainerakoek Eguberrietako oporraldian bazeuden ere, Gipuzkoako Federazioan ari diren eskualdeko futbol talde nagusiek partida jokatu dute asteburuan. Gure Txokoak, Erregionaleko lehen mailatik Gorengora igotzeko faseko lehen partida jokatu du Matzadan eta garaipen garbia lortu du. Beti Gazteko talde nagusiak berdindu egin zuen Errenterian urteko lehen partida eta ohorezko mailako jubenilek etxean galdu egin zuten. Beti Gazteko kadeteek, aldiz, etxetik kanpo irabaziz hasi dute igoera fasea. Eskubaloian, Errekako talde nagusiak txapeldunen faserako sailkatzeko partida garrantzitsua irabazi dute Lizarran. Hauek izanen dira asteburuko jardunaldi murritzeko emaitzak:
FUTBOLA
Gipuzkoako Ohorezko mailan
Touring 1 - Beti Gazte 1 (Igor Gurrutxaga)
Gipuzkoako Erregionaleko lehen mailako igoera fasea
Gure Txokoa 8 (Andoni Riopedrek 4, Alain Morcillok 4) – Urola 1
Gipuzkoako jubenilen Ohorezko mailan
Beti Gazte 1 (Unai Telletxea) – Añorga 3
Gipuzkoako kadeteen lehen maila igoera fasea
Orereta Café 1 – Beti Gazte 6 (Urki Txoperenak 4, Jonan Arbelaitz eta Jabier Parra)
ESKUBALOIA
Gizonezkoen 2. Maila nazionalean
Lizarreria 24 – Erreka 27