Abenduan sartu garen honetan Eguberriak aipagai ditugu. Abenduak 24an urtero bezala Olentzero etorriko zaigu Sunbillara. Arratsaldeko 4etan aterako dira neska-mutikoak bi taldeetan banatuak. Alde batetik 0-9 urte bitartekoak, beheitiko eskolatik eta ibilbidea herrian barna eginen dute. Koxkorrak berriz, hau da 10tik goitikoak, zubiaren bertze aldea eginen dute. Guztiak akitutakoan frontoian geldituko dira Olentzerori muxuak, eskutitzak, etab… emateko eta txokolate goxo goxoa dastatzeko.