Pronostikoak bete eta Floren Nazabalek zortzigarren aldiz irabazi zuen Nafarroako aizkolari txapelketa, Doneztebeko feria egunean jokatutako finalean. Jon Rekondo leitzarra izan zen azpitxapeldun, Lopez hirugarren, Ruben Saralegi leitzar gaztea laugarren bere lehen final handian eta Antonio Senosiain bosgarren.
Bigarren mailako arpana txapelketari dagokionez, Arraiozko Xabier Urrutia eta Daniel Saldias nagusitu ziren, 7 segundorengatik. Alberto Oteiza eta Adrian Berruezo izan ziren bigarrenak.