Ospakizun berezia izan zuten labaindarrek azaroaren 16an.
Ameriketatik etorritako Jose Telletxeari eta Bittor Albisturri , herritarrek ongi etorri bero bat egin zieten. Horretarako ostatuan afaltzeko bildu ziren larunbatean. Giro paregabea izan zen eta afal ostean, Anjel Estangak bere akordionaren laguntzarekin kantuan eta dantza egiteko aukera eskaini zuen. Badira urte batzuk bi labaindar hauek Estatu Batuetara joanak zirela. Boroseneko Jose Telletxea 25 urte zituelarik atera zen herritik Kaliforniara, Novatora hain zuzen ere. Txispeako Bittor Albistur, aldiz, 21 urterekin abiatu zen. Gaur egun Fresnon bizi da.