Euskal Herriko bertsolari txapelketa nagusia azken txanpan sartua da eta asteburuan eskualdeari ere bixita egin dio. Larunbateko finalaurrekoa Elizondoko Baztan pilotalekuan egin zen eta 1.400 bertsozalek lepo bete zituzten harmailak eta aulkiak. Unai Iturriagak irabazi zuen bosgarren finalaurrekoa, baina bigarren egin zuen Amets Arzallusek segurtatu du finalerako txartela.
Bertsozale Elkarteak eskerrak adierazi die Baztango udalari eta Baztango bertso eskolari saioa antolatzeko eman duten laguntzagatik.
Elizondoko puntuazioa honela gelditu zen:
Unai Iturriaga 725
Amets Arzallus 719,5
Beñat Gaztelumendi 695,5
Jokin Uranga 668
Iñigo Mantzizidor "Mantxi" 663,5
Julio Soto 620
Igandean bigarren itzuliko bigarren finalaurrekoa jokatu zen Donostian, Gaska kiroldegian. Igor Elortza nagusitu zen, Alaia Martinen aitzinetik.