“Jarraipena eman haren historiari: Birziklatu” kanpainak saltokiak eta herritarrak inplikatzen ditu TEEHen bilketan

Nafarroako Gobernuak, Nafarroako Ingu­rumen arloko Baliabide Zentroaren bidez (CRANA), eta tresna elektrikoen eta elektronikoen hondakinak (TEEH) kudeatzeko sistema inte­gratuek, Baztango Udala eta Bortziriak, Malerreka eta Mendialdeko Mankomunitatearen laguntzarekin, abian jarri dute “Jarraipena eman haren historiari: Birzi­klatu” kanpaina. Ekimenak saltokiak eta herritarrak inplikatzen ditu TEEhen gaikako bilketa hobetzeko lanean.

 

TEEHak dira entxufe, pila edo bateria bidez dabiltzan edozein tresna. Garrantzi handi­koa da behar bezala kudeatzea edukiaren arabera –substantzia toxi­koak edo kutsagarriak izaten dira–; gainera, osagarri aunitz birziklagarriak dira. Behar beza­la kudeatu gabe bota­tzen badira zuzenean zabortegira, arazo bat sor­tzen dute ingurumenarentzat, eta baliabide­ak galtzen dira. Behar den tokian uzten badira, ordea, elementu kutsaga­rriak atera eta ziurtatzen da be­rriz ere erabiliko direla birziklatutako kable, pieza edo plastiko gisa.