Basaburu Ttikian erronda egiten ari da Jakoba Errekondo. Garagarrilean, Labaienera etorri zen, bezperan Leitzan sagardo kontuak aipatuta. Eta oraingo txandan, Saldiasera etorriko da landareez jolas egitera. Azaroaren 23an izanen da hitzaldia, larunbatarekin (11:00etan), Taberneko ganbaran. Radioan bezalaxe ariko da jendeari esplikazioak ematen txertoak noiz egin, apaingarritako loreez kontsejuak ematen, sagarren gorabeherak, mahatsarenak, ongarri hoberena zein den, plantak izaten dituzten gaitzak nola sendatu, tomateari xertexak gutxiago atakatzeko zer egin behar den, habeak nola prestatu, artzai makilatarako adarrak noiz moztu, arbolak nola modorratu eta hau eta hori... Terrenoak nola aprobetxatu ez dakienak ere aukera polita du hari galdetzeko zer planta sartuko lukeen.
Lehenbizian, bera ariko da jolasean, eta landare batek nola funtzionatzen duen erakutsiko du, hazitik atera eta handitu bitarte, eguzkiak zer indar duen, ilargia... Esplikazioak eman ahala, jendeari galdemoduak etorriko zaizkio, eta denei erantzutera saiatuko da. Sarrera librea da, eta animatu dadila jendea.