Bortzirietako eskuz binakako XIII. pilota txapelketa urriaren 18an abiatu zen. 47 bikote ari dira lehian eta gehienak bortz herrietakoak badira ere, Baztan, Malerreka, Oiartzun, Hondarribi, Irun, Ultzama eta Lapurditik etorritako pilotariak ere ari dira. Zuzenbidean, abenduaren 14an jokatuko dituzte finalak Berako Eztegara pilotalekuan.
Partidak Bortzirietako pilotalekuetan jokatzen dituzte, bederatzi kategoriatan banatuak: ttikiak, umeak B, umeak A, kimuak B, kimuak A, haurrak, kadeteak eta jubenilen B eta A mailak. Beran, larunbat edo igande goizeko 09:30etik aitzinera; Lesakan larunbat goizeko 09:30etik aitzinera; Igantzin ortziral arratsaldeko 6:00etan; Arantzan larunbat goizeko 10:00etan eta Etxalarren igandeetan goizeko 10:30ean.