Pierre Dokhelar 80 urtetan pausatu da berriki Kanbon alzheimer eritasuna jasan ondoan. Senpertar hau biziki ezaguna zen Baionako eliz barrutiko irakaskuntza katolikoko zuzendaria izan baitzen urteetan. Filosofia irakaslea izan zen Uztaritze, Baiona eta Madagaskarren. 1990 eta 2002 urte artean Orteseko erretor izan zen eta biarnesekin biziki ongi moldatzen zela oroit dira hango herritarrak. Protestanteekin hurbilketa egiten ere entseatu zen. Pierre Dokhelar zenak idatzi frango uzten du. Harreman estua zuen Arretxea Senpereko kolegioarekin, halabainan Ferreroenea bere sortetxearen aintzinean dago ikastegi hau bi urratsetan. Errotik euskalduna eta deneri idekia denen zerbitzuko izanez, hau da Pierre herritarraren biziaren laburpena. Paxkal bere ilobak lekukoa hartu du Euskal Haziak Ipar Euskal Herriko sare elebidun katolikoaren arduraduna izanez. Doluminak Dokhelar familiari eta bere hurbilekoei.