Erremonteko binakako txapelketako bi partida jokatu dituzte asteburu luze honetan, bata ortzegunean eta bertzea larunbatean. Ortzegunekoan, Etxabe II eta Julen San Migel doneztebarrak 23-40 galdu zuten Etxeberria IV eta Joxe Etxeberria doneztebarraren kontra. Larunbatean, Ezkurra eta Agirrezabalak 29-40 galdu zuten Juaristi eta Barrenetxea IV.aren kontra.
Ortzegunean, irabazten hasi ziren Etxabe II eta San Migel, 9-1 eta 12-4. Baina urdinek11-36ko partzialarekin buelta eman eta garaipena lortu zuten.
Larunbatean, berriz, partida berdindua joan zen, hogeinako berdinketa bitarte. Hor Barrenetxea agintzen hasi zen eta urdinak joan egin ziren markagailuan (20-24, 21-28, 22-30 eta bukaerako 29-40).
Emaitza horiekin, irabazleek launa puntu lortu zituzten eta galtzaileek alerik ere ez. Beraz, gauzak zail jarri zaizkie Ezkurra eta San Migel-i.
Lehenbiziko jardunaldia akituta, launa puntu dituzte Etxeberria IV-Etxeberria III, Juaristi-Barrenetxea IV eta Uterga-Ion bikoteek, puntu batekin daude Urriza eta Endika eta punturik gabe Ezkurra-Agirrezabala eta Etxabe II eta San Miguel.
Urriaren 31ko emaitzak Galarretan
1. Otaegi-Saldias, 28; Ezkurra II-Labaka, 35
2. Etxabe II-San Miguel, 23; Etxeberria IV-Etxeberria III, 40 Binakako txapelketa
3. Juaristi-Agirrezabala, 33; Matxin III-Barrenetxea IV, 40
4. Segurola-Olazar, 23; Matxin VI-Endika, 30
Azaroaren 2ko emaitzak Galarretan
1. Juanenea-Aizpuru III, 35; Matxin VI-Larrañaga, 22
2. Ezkurra-Agirrezabala, 29; Juaristi-Barrenetxea IV, 40 Binakako txapelketa
3. Urriza-Ion, 34; Uterga-San Miguel, 37 (Urrizak min hartu zuen)
4. Urtasun-Zubizarreta, 19; Etxabe II-Endika, 30