Bertizko Partzuergo Turistikoak antolatuta, Baztan, Malerreka eta Bortzirietako hamahiru jatetxek parte hartuko dute aurten XXI. aldiz egiten ari diren ehizari buruzko jardunaldi gastronomikoetan. Gure inguruan ehizatutako jakiak beteko dituzte jatetxetako eltzeak. Dagoeneko egutegia finkatua dagoen ekimena urriaren 27an hasi zen eta abenduaren 1era arte iraunen du. Tarte horretan 27 eta 32 euro arteko menuak eskainiko dituzte. Hauek dira ehizari lotutako menu bereziak eskainiko dituzten jatetxeak: Almandozko Beola, Arantzako Aterpe eta Burlada, Arizkungo Ordoki, Berako Zalain eta Zubiondo, Donamariako Benta, Elbeteko posada, Etxalarko Benta hotela, Igantziko La Villa, Iruritako Olari, Oizko Posada eta Oronoz-Mugairiko Urgain. Urteroko moduan informazio eta orriak ilustrazio berezi batekin apaindu dituzte. Aurten, Jaime Fortunaren lana aukeratu dute.