Urriaren 11n izan zen aurten urtero egiten den gaztain jatea.Urtetik urtera jende gehiago izaten da bertan eta gaztain jate soila izatetik berendu afaria izatera ere pasatu dela liteke jendeak patata tortila, bizkotxoak, sagardoa, ardoa, pasteltxoak.. ekartzen dituelako etxetik. Azken hiru urte hauetan bainuetxera etortzen den gizon baten bisita ere izan genuen. Txistua primeran jotzen du eta herrian zegoela probestuz bere musikarekin alaitu zuen giroa eta bertan zegoen jende guzia.
Bertze aldetik,hilaren 19an, larunbatarekin herriko ostatuan izan zen kontzertua aipatu beharra dago. Afrikar musika jotzen duen Makulu Ken taldea izan zen eta musikaz gain, bi dantzari ere ekarri zituzten. Jendez gainezka zegoen herriko ostatuaren ingurua, kanpoan izan baitzen kontzertua eta zebilen haizegoarekin Afrikan ginela zirudien. Sortu zen giroa kusita zorionak eman behar zaizkie ostatukoei besta antolatzeagatik.