Bertsolari txapelketa nagusiaren jarraipena egiteko ikastaroa edo solas taldea antolatu dute, Baztan, Malerreka eta Bortzirietako jendeari zuzenduta. Tokia eta ordutegia interesatuak daudenekin adostuko lirateke eta astero saio bat egiteko asmoa dute.
Bertsozalea den edonorentzat zuzendua dago, ez da bertsolaria edo bertsotan aditua izan beharrik Txapelketa Nagusiko gorabeherak sakonago ezagutzeko. Helburua, txapelketaren inguruan solas egitea da, taldeko hausnarketa egitea. Asteburu bakoitzeko saioetatik bertsoaldi batzuk hautatuko dira. Horiek entzun, kantatu eta aztertuko dira bertsoaren alderdi bat lantzeko, bai alderdi teknikoa (doinua, neurria, errima, oinak, puntuaketa…), bai alderdi komunikatiboa.
Izen emateko telefonoz deitu behar da 620 023799 telefonora edo xabimaia@gmail.com helbide elektronikora idatzi.