Behobia eta Bertiz lotu zituen irailaren 29an egin zen BTT martxak. Bertizko Turismo Partzuergoak antolatu zuen zazpigarrenez, eta aitzineko urteetan bezalaxe hiru ibilbide jarri zituzten aukeran, helduendako bata (Behobia eta Bertiz arteko 42 kilometroak) eta haurrendako eta familiendako bertze biak, (Behobia-Endarlatsa, 7 kilometrokoa eta Sunbilla-Bertiz, 15 kilometrokoa). Denera 300 bat txirrindulazale atera ziren.
EUROPAKO LANKIDETZA EGUNA
Aurten, Lurraldeen arteko lankidetzaren eguna ospatzeko, Pirinioetako Lan Elkarteak, POCTEFA programaren kudeaketa agintari gisa, bat egin du Circuldouce egitasmoko bazkideek antolaturiko ekitaldiarekin. Programa honen bitartez, Lapurdiko Getaria eta Bertiz arteko 60 kmko bidea egokitzen ari dira. Helduei eta haurrei zuzendutako animazioak, tailerrak eta lurraldeko produktuen dastatzeak izan zituzten Endarlatsan, ibilbiderik laburrenaren helmugan.