Nahiz eta meteoa kaxkarra izan bestak politak izan dira. Igandean jende frango hurbildu da plazara joaldunak, karroak, ahate jokoa eta herri kirolak ikustera. Astelehenean, 300 bat lagun hurbildu dira Sarako ikastolak antolatutako zikirora; arratsaldean zaldi ikusgarri bat emana izan da frontoina ondoko soro batean, hor ere jende multxo polita hurbildu da. Arratsean Zazpiak bat elkarteak dantza ikusgarri bat eman du plazan. Astearte gauean “idol” frango ikusten ahal ziren, erran dezakegu gaztetxeko gaualdi mozorrotua orain bestetako ekitaldi bazterezina bilakatu dela! Asteazkenean jende anda hurbildu da trinketera komizara. Bestetan zehar pilota partida frango jokatu dira bai plazan bai trinketean. Xoko finala Gregory Aguirrek irabazi du; Euskal Herriko besten txapelketaren irabazlea Endara (Sara)-Elissalde (Itxasu) parea izan da; PLEKA trofeoa Ducassou-Waltaryk irabazi dute.
Gaztetxeko gaualdi mozorrotua ekitaldi bazterezina bilakatu da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun