“Lur saldua betiko galdua” lelopean manifestaldi jendetsua egin zen Ibarrunen buruilaren 21ean. Manifestariek salatu dute urte guziz laborantzako mila hektarea galtzen direla eta Senpereko herriko etxeak bide bera segitzen duela etxeak eraikitzeko baimenak ematen dituelarik berriki arte laborantzak baliatzen zituen eremuetan. Lurzaindia taldekoek gogoratu dute beren ustez 461 etxe hutsak direla gure herrian.