Laxoa Elkarteak antolatutako Baztan-Errekako gazteen laxoa txapelketako finala jokatuko dute irailaren 29an Arraiozek eta Doneztebe Bk. Igande goizeko 11:30ean hasiko da partida Doneztebeko Bear-Zana plazan eta ondotik, sari banaketa eta pilotari eta pilotazaleentzat luntxa izanen da.
Arraiozko taldean Eki Etxandi, Josu Etxandi, Urki Etxandi eta Mikel Organbide ariko dira eta Doneztebe B taldean Gorka Iribarren, Iñaki Maylin, Aitor Arozena eta Eloy Garzia.
Arraioztarrak izan ziren onenak ligaxkan eta partida bakarra galdu zuten. Hain zuzen, Doneztebe Bkoen kontra Bear-Zanan. Beraz, final irekia espero da.