"Nola saldu denbora nahasietan" izeneko ikastaroa antolatu du Cederna Garalur Elkarteak Doneztebeko Malerrekako Mankomunitatean. Ikastaro hau "Enpresa txikiendako prestakuntza, 2013 CED - 2014-1015 Aurrekontua" izeneko proiektuaren barnean kokatzen da.
Proiektuak 27.500,00 euroko aurrekontua du, eta "LGENF" Landa Garapenerako Europako Nekazaritza Funtsak eta Nafarroako Gobernuak finantzaturik dago, Nafarraoko Foru Komunitateko Landa Garapenerako 2007-2013 Programaren bidez.
Urriaren 1, 8 eta 15ean emanen da, 14:30etik 16:30era eta autonomoei eta mikroenpresei, bereziki merkataritza-sektorekoei zuzendua dago. Turismo eta zerbitzu sektorekoek ere parte har dezakete. Argibide gehiago edo izen emateko 948 625122 telefonora deitu edo Bidasoa.admon@cederna.es helbide elektronikora idatzi.